ПРАВОСЛАВНЫЙ КАЛЕНДАРЬ


ПОИСК ПО САЙТУ


О НАС, НАШЕМ САЙТЕ

Святые первоверховные апостолы Петр и Павел

Престольный праздник Абалацко-Знаменского Петро-Павловского женского монастыря г. Семипалатинска



Тропарь, глас 4-й

Апостолов превопрестольницы и вселенныя учителие, Владыку всех молите мир вселенный даровати и душам нашым велию милость.

Первенствующие из апостолов и Вселенской Церкви учителя, Владыку всех молите мир миру даровать и душам нашим великую милость.

Кондак, глас 2-й

Твердыя и боговещанныя проповедатели, верх апостолов твоих, Господи, приял еси, в наслаждение благих Твоих и покой: болезни бо онех и смерть приял еси, паче всякаго всеплодия, Едине сведый сердечная.

Непоколебимых и богогласных проповедников, высших из Апостолов Твоих, Господи, Ты принял в наслаждение благ Твоих и покой, ибо страдания их и смерть благоволил принять как жертву, выше всякой жертвы, Единый, ведающий сердца наши.



Богослужение в честь праздника  начинается с вечера 

11 июля в 16:00 - всенощным праздничным богослужением с  литией и полиелеем 

12 июля -  одна Божественная литургия в 8:00

По окончании Божественной литургии молебен св. первоверховным апостолам Петра и Павла

Этот праздник - первоверховных апостолов Петра и Павла - престольный праздник Знаменско-Абалацкого Петро-Павловского женского монастыря г. Семипалатинска. 

В эти дни - 11 и 12 июля там пройдут праздничные богослужения.


У современного мира много героев, и в изобилии имеется у него кумиров. Одни из них возглавляют список «Форс», другие красуются на майках и плакатах, о третьих постоянно пишет бульварная пресса. Но у нас, христиан, есть свои герои, совершенно не похожие на тех идолов. И их память, двоих таких героев, мы празднуем 12 июля. И, как небо отстоит от земли, так отличаются наши герои от героев массовой культуры.

Их называют еще святыми и равноапостольными. Обычно к этому празднику готовятся постом, который так и называется Петровский или апостольский. Его продолжительность бывает разная, в зависимости от дня Пасхи. Если Пасха ранняя, то пост будет длинный, если поздняя, то он может длиться чуть больше недели.

Почитание святых апостолов Петра и Павла началось сразу же после их казни. Место их погребения было священно для первых христиан. В IV веке были воздвигнуты храмы в честь святых первоверховных апостолов в Риме и Константинополе. Совместное их празднование — 12 июля — было сильно распространено уже в первые века христианства. А к 6 - 7 веку входит в обычай отмечать этот праздник особенно торжественно.

Чем же прославились эти два великих человека?

Петр носил имя Симон, и был родом из Галилеи небольшого городка Вифсаиды в окрестностях Тивериадского озера. Он был человеком пламенным, простым бедным, богобоязненным и некнижным. Среди евреев тогда была необыкновенно популярна идея Мессии, Помазанника Божия, Который придет спасти свой народ. Увлекся ей и Петр. Только нашел ее воплощение в Учителе из Назарета, и первым провозгласил его Христом, Сыном Бога Живого, за что и удостоился назваться камнем, по-гречески Петр, на котором будет основана Церковь (Мф. 16. 17-19) . Он принадлежал к самым близким ученикам Христа, тем трем, которых Он посвятил в величайшие тайны своей богочеловеческой жизни. Вспомним хотя бы преображение на горе Фавор.

Однако в самый решительный и трагический момент жизни своего Учителя Петр отрекся от Него, хотя за несколько дней до того клялся, что готов за Него положить и жизнь. Потом он «горько плакал» и Христос простил его. А потом в старости апостол самоотверженно проповедует Евангелие от Вавилона до Рима и за веру в Него был распят на кресте вниз головой.

В христианской иконографии его изображают седым старцем, с курчавыми волосами и бородой, часто с ключами, а иногда с рыбой - как намек на его рыбацкий промысл, а с ключами, потому что достиг  таких небесных высот, что ему доверены ключи от Рая.

Павел от лат. Paulus - маленький, незначительный - прославился как величайший проповедник христианства среди язычников, хотя первоначально он был очень яростно натроен против христиан и сам гнал их. Он родился в зажиточной еврейской семье, принадлежавшей к партии строгих ревнителей Моисеева закона - фарисеев и носил еврейское имя Савл или Саул в честь первого израильского царя Саула.

В школе известного ученого раввина Гамалиила ему удалось основательно изучить весь закон Моисеев с его талмудическим толкованием и познакомиться с греческой литературой. По дороге в Дамаск, куда он шел гнать христиан, ему явился дивный свет, из которого он услышал голос Христа. Это произвело в нем чудесный переворот, превративший яростного гонителя Савла в великого проповедника христианства Павла. После своего обращения апостол посвящает всего себя проповеди Евангелия и совершает несколько миссионерских путешествий в разные части огромной Римской империи от городов Азии до Испании и Рима, где и был обезглавлен тоже около 67 г..

Апостолу Петру принадлежат два так называемых соборных послания, а апостолу Павлу целых 14, в которых они дают первую богословскую обработку христианского учения, очень самобытную и глубокую.

Ну а для нас их жизнь - пример прямого общения человека с Богом, и той силы, которую оно дает человеку. Об этом очень хорошо сказал блаженный Августин: «Петр был избран из числа немощных мира, чтобы посрамить сильных, ибо до апостольства был рыбаком; а в Павле преизобиловал грех, да умножится благодать, ибо он гнал Церквь Божию. Первый предостерегает нас от надменности, а второй от отчаяния. Будем помнить об этом, и не будем гордиться мирским величием, равно как и отчаиваться в милосердии Божиим, когда вспомним о своем недостоинстве».

Воспоминая первоверховных апостолов Петра и Павла, мы можем почерпнуть для себя урок того, как превозмогает человек свое греховное прошлое и достигает Царства Небесного.

Разве не невероятным кажется, что отрекшийся от Христа затем сделался незыблемым камнем веры, а гонитель Церкви – великим благовестником любви Божией?

Но Господу все возможно. Как бы ни были тяжелы грехи наши, надо уповать на неизреченное милосердие Божие.

И, празднуя в этот день память первоверховных апостолов, Православная Церковь прославляет духовную твердость святого Петра и разум святого Павла, воспевает в них образ обращения согрешающих и исправляющихся.

Автор: Протоиерей Владимир Башкиров 

Вслед за апостолами 

12 июля - Праздник первоверховных апостолов Петра и Павла. 

Главная особенность православных праздников состоит в их многозначности. В дни праздников мы и вспоминаем конкретные события, происходившие в начале нашей эры. И встречаемся с живым свидетельством того, что события эти «и ныне и присно» совершаются в вечности. И ощущаем свою сопричастность этим событиям, как бы «примеряем» ...дальше

Петр, Павел и наша Аппиева дорога 

Смысл празднования дня памяти апостолов Петра и Павла не в том, что христиане влюблены в смерть странной любовью и не могут отвести от нее взгляд даже в праздник. А в том, что мы при помощи апостолов, обнаруживаем свое место пред Богом.

Как мы все хотели бы слышать эти слова от Бога: – Иди, ты нужен. Я буду с тобой! … и как мы их боимся. Он не испугался. Ему предстояло взять Рим голыми руками. Фантастическая задача. ...дальше

Никто не рожден просто так. Все мы, в той или иной степени, должны быть работниками Бога.

Это слова апостола Петра об Апостоле Павле. Мы привыкли видеть их вместе на иконах согласными друзьями. Но это было не так. Церковь строили реальные люди с реальными характерами в суровое время

 ...ДАЛЬШЕ

Прославляя святых апостолов Петра и Павла в один день, Церковь, кажется, хочет напомнить нам о разнообразии человеческих характеров и путей, ведущих к Богу.

Обоих апостолов называют первоверховными, но и первенство у них совсем не одинаковое. Петр был одним из ближайших учеников Христа при Его земной жизни, а Павел вообще не имел никакого отношения к евангельским событиям. Он начал проповедовать намного позднее, и даже не был «официально утвержден» в роли одного из двенадцати апостолов. И все-таки мы можем сравнить в самых общих чертах две эти судьбы  ...ДАЛЬШЕ

Апостол Павел – рупор Святого Духа  

Апостолы Петр и Павел по-разному любили Бога, и это их отличало. Но они одинаково сильно любили Господа, и это их роднило. Они оба жили только Богом и за это были любимы Богом. Что же их отличало? 

В жизни так часто бывает, что простые и неученые люди очень любят церковный закон и обряд больше богословия ...дальше

Молитва 

О преславнии апостоли Петре и Павле, души за Христа предавшии и кровию вашею пажить Его удобрившии! 
Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! 
Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и Брака Агнца Своего, Емуже честь и слава, и благодарение и поклонение, во веки веков. Аминь.

Величание

Величаем вас, апостоли Христовы Петре и Павле, весь мир ученьми своими просветившия и вся концы ко Христу приведшия.

Прославляем вас, апостолы Христовы Петр и Павел, весь мир своим учением просветивших и приведших ко Христу народы всей земли.

                    
Акафист святым первоверховным апостолам Петру и Павлу


 
Кондак 1   
Избраннии проповедницы Агнца Непорочнаго, за ны закланнаго, Христа Бога, преславнии апостоли Петре и Павле! Яко Боговедением концы мира озарившии и обильно струями благодати напоившии, и ныне с любовию призрите на чтущия усердно память вашу. Исполните нас духа премудрости, сердца наша верою утвердите, да непрестанно благодарственная вам поем, со умилением зовуще: Радуйтеся, святии первоверховнии апостоли Петре и Павле.
Икос 1

Ангели благовестницы явистеся на земли, апостоли Петре и Павле блаженнии, зане от Самаго Виновника спасения нашего на делание ваше призвани бывше, широту всея земли обтекосте, иудеом и еллином Христа распятаго, Божию Силу и Божию Премудрость проповедающе. Темже и мы, светом учений ваших озаряеми, сердцем и усты взываем к вам сицевая:

Радуйтеся, звезды светозарныя, от востока возсиявшия и всем людем путь ко Христу показавшия;

радуйтеся, Церкве Христовы утверждение и столпи непоколебимии.

Радуйтеся, власть вязати и решити грехи наша от Христа приимшии;

радуйтеся, во святых писаниих ваших к вере и упованию на Бога вся ны призывающии.

Радуйтеся, в житии вашем образы обращения согрешающим явившии;

радуйтеся, высоту любве истинныя словом и делом нам показавшии.

Радуйтеся, святии первоверховнии апостоли Петре и Павле.

Кондак 2

Видя тя, апостоле Петре, на море Галилейстем вкупе со Андреем, братом твоим, вметающа мрежи, Господь рече вам: грядита по Мне, и сотворю вы ловца человеком. И абие, оставльше мрежи, по Нем идосте. Темже, красото Церкви вселенския, сотвори и нас предстательством твоим скорым быти на делание заповедей Божиих, косны же ко греху, да, злобою младенствующе, достигнем вси в меру возраста мужа совершенна, поюще Богови: Аллилуиа.

Икос 2

Разум Божественный освети тя, Павле, избранный сосуде Божий, егда, ревнуя о отеческих преданиих, шествовал еси в Дамаск гонити Церковь Христову. Тогда бо внезапу сияние Славы Господни облиста тебе и глас бысть с Небесе: Савле, Савле, что Мя гониши? Ты же, аще зрением плотским омрачился еси, но духом узрел еси Силу и Славу Христа распята, тьму просвещающа и любовию Церковь Свою созидающа, и того ради пленился еси духом, покаяние и послушание нося и глаголя: “Господи, что сотворю?”. Посем, восприим жребий апостольства от руки Господни и крещение водою и Духом от Анании блаженнейшаго, явился еси предивно сосуд избранный благодати и свидетель немолчный Спасителя нашего, от Негоже и мы, просвещаемии, пети тебе навыкохом сицевая:

Радуйся, светлосте церковная, от Света Неизреченнаго на пути пречудно во откровение языков возжженная;

радуйся, знамения Силы Божия в житии твоем чудно явивый и тем уста непокоривым на веки заградивый.

Радуйся, сосуде избранный, меньша от апостол и перваго от грешник себе сокрушенно нарекий;

радуйся, якоже Херувим тайнозритель, даже до третияго Небесе верою и любовию вознесенный.

Радуйся, якоже Серафим пламенный, ревностию по Бозе непрестанно снедаемый и истаеваемый;

радуйтеся, Павле и Петре, благовестия трубы громогласныя, основания ветхаго мира, якоже Иерихон вторый сокрушившия.

Радуйтеся, святии первоверховнии апостоли Петре и Павле.

Кондак 3

Сила Вышняго, в немощех познаваемая, излия на тя, Павле, адаманте веры, благодать на благодать, зане неложно исповедал еси: Вся могу о укрепляющем мя Иисусе. И воистинну проповедал еси Евангелие во явлении Духа и силы, творя великая и неизреченная, славная же и ужасная, яко неведущии Бога Боговедению научахуся, сердца ожесточенная елеом милосердия напаяхуся и вся овцы расточенныя во ограду Пастыря Единаго отвсюду стекахуся, Емуже и пети согласно научишася: Аллилуиа.

Икос 3

Имея дерзновенную любовь ко Господу, шествовал еси, Петре, по водам воздвизаемым, яко по суху. Но аще и потоплением был еси устрашаем и сомнением обуреваем, не потопился еси в пучине, понеже простерл еси руце и очи ко Спасу, вопия Ему из глубины сердечныя: Господи, спаси мя. И в той час руку помощи восприял еси от Христа, Избавителя нашего. Тако и мы в сей юдоли земней, бедами устрашаеми и волнами страстей потопляеми, взирающе на течение твое, к тихому пристанищу добре нас наставляющее, благодарственно воспеваем ти сице:

Радуйся, каменю веры многоценный, от Камене Краеугольна избранный и утвержденный;

радуйся, храме Духа Святаго, многоразличными дарованьми от Того преизрядно украшенный.

Радуйся, рыбарю препростый, премудрости Божия исполненный, ейже от человек никтоже противитися может;

радуйся, самовидче величия Божия, паче царей и славных земли от Господа на вся веки прославленный.

Радуйся, хартие одухотворенная, в нюже огненными писмены слово Божие вписася,

радуйся, с Павлом апостолом светило равночестное и незаходимое.

Радуйтеся, святии первоверховнии апостоли Петре и Павле.

Кондак 4

Бурю лютых искушений воздвиже древле человекоубийца, искони иский Церковь Божию потребити и ученики Спасовы, якоже пшеницу, разсеяти: но Господь молися о тебе, Петре, да не оскудеет вера твоя. И тако, от Спаса просвещаем и от Него в немощи укрепляем, воистинну сокрушил еси челюсти вражия и обращся утвердил еси братию твою, поя Богу: Аллилуиа.

Икос 4

Слышаще, Павле премудре, о дивнем избрании твоем, во еже возвестити имя Господа Иисуса народом и царем и сыном Израилевым, и видяще тя в слове, в житии, в любви, в дусе, в вере, в чистоте, якоже света языком во спасение их поставлена, невернии верою просвещахуся, вернии же, ликовствующе, Господа прославляху. Темже и мы, сорадоватися заповедь приемше, приносим ти гласом радования таковая:

Радуйся, верный служителю Христов, вся славная мира якоже сор и прах вменивый и всем себе поработивый Христа ради и Евангелиа;

радуйся, добрый воине Христов, во вся оружия Божия облеченный и вся языки в послушание Христово покоривый.

Радуйся, жертво приятнейшая, Христу сораспеншаяся, Христа ради по вся дни умирати приобыкшая;

радуйся, сеятелю слезами многими, узниче и исповедниче преславный, язвы Господа Иисуса Христа на теле твоем радостно носивый.

Радуйся, славо и похвало Церкве Вселенския, позорище мирови бывый, глад, жажду, наготу, биение и поругание за Христа многочастне претерпевый;

радуйтеся, Павле и Петре, апостолов украшение, миру благовестницы, Церкве утверждение.

Радуйтеся, святии первоверховнии апостоли Петре и Павле.

Кондак 5

Боготечная звезда явился еси, Павле, егда течение твое, пресветло начен от Дамаска, даже до Рима простерл еси и якоже прежде звезда от восток научи волхвы кланятися Солнцу Правды, сице и ты, Богомудре, путь ко Христу показал еси всем, хотящим достигнути спасения, взывая со дерзновением многим: подражатели мне бывайте, якоже и аз Христу. Емуже и пети научил еси нас единеми усты: Аллилуиа.

Икос 5

Видев на горе Фаворстей Славу Единороднаго от Отца, одеяна Светом, яко ризою, хотяща же за ны облещися в ризу поругания, глаголал еси, Петре, Иисусови, провидя Славу несказанную искупленных Кровию Агнца Непорочна Христа: Господи, добро есть нам зде быти. Сего ради и мы, роди дальнии, лишени чистоты светозарныя, аще и недостойни суще, обаче твоим ангельским гласом призваннии к наследию нетленну, чисту, неувядаему, соблюдаему на Небесех, якоже общницы хотящей открытися Славе, воспеваем ти сице:

Радуйся, блаженне, от Присносущныя Истины достойно “блажен” нареченный;

радуйся, бисере предобрый, от Господа при езере обретенный и светом от Света осиянный.

Радуйся, от Самаго Искупителя рода человеча на проповедь Евангелия посланный;

радуйся, воистинну ловец человеков явивыйся, ты бо, якоже и прежде, благодатию влечеши души омраченныя в чудный Свет Христа Бога.

Радуйся, источниче животворный, от Источника жизни вечныя истекий и от богатства даров Духа Святаго жаждущия души напояяй;

радуйтеся, Петре и Павле, якоже Серафими шестокрилатии, у Престола Царя Славы парящии и ко свету Тайн Божиих приницающии.

Радуйтеся, святии первоверховнии апостоли Петре и Павле.

Кондак 6

Проповедник немолчен и по смерти твоей, Петре Богоносне, явился еси, зане с неба мысленнаго, якоже гром таинственный, о звании христианстем многоразличне напоминаеши. Мы же, ведяще любовь твою николиже отпадающу и молитву о нас непрестанно у Престола Божия деему, поем сердцем умиленным: Аллилуиа.

Икос 6

Возсиял еси, Павле великоимените, знаменьми и чудесы вскоре, отнележе Дух Святый во Антиохии повеле ти начати превеликое служение апостола языков: таже, достиг Кипра, Елимы волхва зрение омрачил еси и Сергиа проконсула светом истины озарил еси. Сподоби и нас, света сего причащшихся, прославити дивная дела твоя в песнех и пениих духовных и воспевати тебе таковая:

Радуйся, свете сердец кротких и разумных, яже, яко доилица, грееши и пестунствуеши писаньми твоими Богодухновенными;

радуйся, жезле наказания, сосуды лжи и льсти до конца сокрушаяй, сердца же сокрушенная на недвижимый Камень Веры ввоздвизаяй.

Радуйся, Христово Евангелие в себе воплотивый и сего ради превыше видимых вознесенный и прославленный;

радуйся, уста медоточная, радость многую апостолом и верным возвестившая, яко отверзе тобою Господь дверь спасения всем языком.

Радуйся, ревнителю по Бозе, новый Илие, не на чуждем основании созидаяй и ревностию твоею страны дальния обтекаяй;

радуйтеся, Павле и Петре, весь мир между вами разделившии, во еже овому убо быти апостолу языков, другому же проповедати народу избранному.

Радуйтеся, святии первоверховнии апостоли Петре и Павле.

Кондак 7

Хотя истину утвердити и мир Церкви оградити, пришел еси, Павле, поборниче правды, во святый град, в немже на собрании святых апостол и верных свидетельствовал еси вкупе с Петром и Варнавою, яко Дух Святый дышет, идеже хощет, даруя благодать Свою к независтно иудеом и еллином обрезанным и верою вся спасая, а не мертвенными делы ветхаго закона. И тако воистинну вси вернии, свободу и мир получивше, союзом любве связуеми, благодарственно воспевают Богови: Аллилуиа.

Икос 7

Новаго Архангела, провозвестника тайны, от века сокровенныя, избра тя, апостоле Петре, Господь, егда вопроси ученики Своя: вы же кого Мя глаголете быти? Ты же, от Отца Небеснаго просвещаем, возвестил еси несомненное основание нашея веры, глаголя ко Спасу: ты еси Христос, Сын Бога Живаго. Того ради и мы, чтуще тя, яко Надежду нашего спасения неприкровенно исповедавша, взываем ти таковая:

Радуйся, Синаю новый, скрижаль спасения людем ясно показавый и свободу во Христе возвестивый;

радуйся, первоположенный от Архитектона Небеснаго каменю веры и исповедания, на немже Церковь Христова необоримо основася.

Радуйся, первопоставленный вратарю входа райскаго, емуже первее обещася Господь дати ключи Царствия Небеснаго;

радуйся, судие праведный, имый судити с прочими апостолы обеманадесяте коленома Израилевома.

Радуйся, яко очеса и утеса твоя блаженная Христа Спаса нашего, Егоже лицезрети пророцы пламенне желаху, во плоти суща на земли видеша и слышаша;

радуйтеся, Петре и Павле, имущии ноги благовествования краснейшия и сердца освященная, вы бо Евангелию послужисте и евангельски пожисте.

Радуйтеся, святии первоверховнии апостоли Петре и Павле.

Кондак 8

Странное чудо и неудобь разумеваемое явился еси, Петре, мудрствующим земная, яко незнатна мира и уничижена избра тя Господь, и посрамил еси мудрыя, одолел еси царства, привел еси сонмы омраченных ко Свету Истины, и доныне, якоже столп огненный, озаряеши вся земнородныя, указуя несомненный путь во блаженное отечество. Сего ради, богатству благодати в тебе дивящеся, поем Богу: Аллилуиа.

Икос 8

Всем был еси вся, Павле, любовию всех объемля, словом спасения дальних и ближних достизая, верою вся превозмогая: зане и в Филиппех, мир благовествуя, аще и палицами биен был еси люте и в темницу во оковах ввержен, но воспел еси тамо вкупе с Силою песнь чудную хвалы и благодарения Богу, Иже и возгреме рабом Своим трусом велиим, яко и основания темничная поколебашася и двери отверзошася. Мы же, видяще тя, премудре, тьму узилища светом Боговедения озаряюща и свободу о Христе узником подающа, воспеваем ти сицевая:

Радуйся, узниче Христов, темницу во храм претворивый и узами твоими демонов цепи людем разрешивый;

радуйся, сильне, немощи немощных понесый, не себе, но ближним угождати иский.

Радуйся, пречудне, узами и скорбьми хваливыйся, радоватися с радующимися и плакати с плачущими научивый;

радуйся, умерый греху, но присно живый Богови, тебе бо жизнь Христос и смерть приобретение.

Радуйся, образе неусыпнаго делания, задняя забываяй, в предняя простираяйся и всем помышлением к почести вышняго звания текий;

радуйтеся, Павле и Петре, даже до смерти мученически Господу послужившии и сею, яко венцем, подвиг ваш венчавшии.

Радуйтеся, святии первоверховнии апостоли Петре и Павле.

Кондак 9

Вся ко Христу приводя, возвестил еси, Павле, во Афинех мнящимся мудрым быти Премудрость, свыше сходящую, да, ведяще суетная, отселе уведят Бога, невидимаго им, и осяжут Его, о Нем бо живем и движемся и есмы. Темже и мы, благодатию неизреченною разум истины восприемще и сердцем неложно, яко благ Господь, постигше, поем Ему верою твердою, якоже перстом от Фомы, осязуему: Аллилуиа.

Икос 9

Ветийствовати не можаше язык человечь, егда Господь Сил нозе рабом Своим умываше и лентием отираше. Ты же, Петре, страхом побеждаем, аще возгласил еси: не умыеши ногу моею во веки, но абие весь в послушание преложился еси, егда услышал еси глагол, реченный от Господа: аще не умыю тебе, не имаши части со мною. И тако всем сердцем возопил еси: Господи, не нозе мои токмо, но и руце, и главу. Мы же, ведяще тя в сих, якоже злато во огни искушения, очищаема и познавающе от смирения к послушанию восхождение твое, таинству Божия Промышления покланяющеся, воспеваем ти сердцем смиренным таковая:

Радуйся, Петре, очеса орля, имиже зрел еси Солнце Правды - Христа Бога, Иуде нозе умывшаго и от него лобзанием лукавым преданнаго;

радуйся, на веки уневестивыйся Христу, ты бо, Агнцу Непорочну, якоже агнец, последуя, до заклания твоего верность соблюл еси.

Радуйся, углю неугасимый, от жертвенника Небеснаго огнем любве Божественныя непрестанно объятый;

радуйся, светильниче горяй и светяй, роды родов светом правды озаряяй.

Радуйся, грозде многообильный винограда Христова, на радость мира многопечальнаго возращенный;

радуйтеся, Петре и Павле, Христа Бога в себе верно вообразившии.

Радуйтеся, святии первоверховнии апостоли Петре и Павле.

Кондак 10

Спасения во Христе неизследимую пучину и покаяния многую силу явил еси в себе, Петре, егда трикраты по предреченному отверглся еси Господа: не вем Человека сего! Егда клялся и ротился еси во дворе архиереа, но абие, воспомянув глагол Иисусов, вне текл еси, плачася горько. Мы же, умильне взирающе на пресветлый сей образ сокрушения, в научение и обличение жестоковыйных сердец наших дарованный, поем Господу, паки дивно возвеличившему тя: Аллилуиа.

Икос 10

Стена и оружие непобедимое был еси, Павле, противу миродержителей тьмы века сего, яко и царство их в Коринфе, Ефесе и инех градех вселенныя сокрушил еси, тьму многобожия разгоняя и разум истины утверждая. Ты бо неложно показался еси Божий слуга в терпении мнозе, в скорбех, бедах, в теснотах, в ранах, темницах, в нестроениих, трудех, во бдениих, в пощениих, яко и ум наш недоумеет изрещи богатство доброты твоея, деннонощныя подвиги со слезами многими. Того ради, зряще море любве твоея, дерзающе молим: услыши нас, убогих грешными усты глаголющих сицевая:

Радуйся, умерый греху благовестниче непобедимый, яко в тебе первее ветхаго человека победив, Христу сораспялся еси;

радуйся, учителю многоплодный и волков хищных обличителю, яко тобою образ верным показал еси, присно бодрствуя и научая вся сугубо: словом и житием по слову.

Радуйся, всех обогатителю, яко, прежде сам обнищав и ничтоже имый, вся содержал еси;

радуйся, о христианех пламенный ревнителю, обручивый я Христу, яко деву чисту непорочную невесту.

Радуйся, утробе многоболезненная бывый о чадех твоих в муках рождения, дондеже вообразится в них Христос;

радуйтеся, Павле и Петре, в Дусе единице согласная во едином граде верность Христу кровию запечатлевшии.

Радуйтеся, святии первоверховнии апостоли Петре и Павле.

Кондак 11

Пети и ублажати узы и страдания твоя, Павле многострадальне, достойно есть, яко токмо в терпении мнозе, но и с радостию предреченный ти от Агава пророка узы восприял еси, и Церкви Кесарийстей свидетельствовал еси сице: не точию связан быти готов есмь за имя Господа Иисуса. Емуже и мы, дивному во святых Своих, поем песнь: Аллилуиа.

Икос 11

Светом радости неизреченныя и Божественныя любве осиян был еси, Петре, егда Господь по воскресении первее прочих апостол явися тебе, скорбевшему. По сих же паки явлься, Владыка жизни вопроси тя трикраты: Симоне Ионин, любиши ли Мя? Ты же, огнем Божественныя любве опаляем, отвещал еси тепле: Господи, Ты веси яко люблю Тя. Того ради и мы, обнищавшии духом, помянувше преизобильныя токи слез и любве твоея, ихже ради воззва тя Господь на прежний степень апостольства, благоговейне взываем ти сицевая:

Радуйся, учителю покаяния, слезами горькими высоту смирения стяжавый и Воскресшим от гроба к радости неизглаголанней на веки приобщенный;

радуйся, премудрости глубино, смиренномудрия высото, пламеню любве, образ жития всем верным себе явивый.

Радуйся, друже Господа Иисуса, иго благовестия ревностно понесый, над наследием Божиим господствовати не восхотевый, но послушанию властем научивый;

радуйся, апостоле Христов, мудрость змиину и чистоту голубину в себе сочетавый и образом смерти твоея на кресте крайнее смиренномудрие показавый.

Радуйся, рабе Господа верный, умноживый данный тебе талант и в радость Господа вшедый;

радуйтеся, Петре и Павле, сердца не тесная, весь мир любовию вместившая и концы вселенныя просветившая.

Радуйтеся, святии первоверховнии апостоли Петре и Павле.

Кондак 12

Благодать Духа Утешителя, излиявшаяся на главы верных во образе языков огненных, скоро излияся изо уст твоих, Петре, глаголом огненным, во еже благовестити с силою многою Христа распята не точию погибшим овцам дому Израилева, но и язычестей неплодящей церкви, да плодоносит и сия Богови нетленный крин чистоты и покаяния. Испроси и нам, апостоле достоблаженне, милость Господа, творящаго тобою великая и чудная, рукою твоею мертвыя воскрешающа и смертию твоею на кресте мертвенную любовь нашу воспламеняюща, да непрестанно поем Ему: Аллилуиа.

Икос 12

Поюще пресветлую память твою, Павле, достойно ублажаем неизреченныя подвиги, болезни и труды, яже во бдениих, во алчбе и жажде, в пощениих, в зиме и наготе понесл еси. Кто бо изочтет раны, скорби и беды твоя во градех, в пустыни, в мори, беды от разбойник, беды от сродник, беды от язык и лжебратии? Кто подобен тебе? Паче всех апостол потрудился еси. Темже молим: не возгнушайся нас, грешных, молящихся тебе, но якоже всем был еси вся, и ныне услыши немощным гласом приносимая ти сицевая:

Радуйся, узниче Христов, из темницы свет распространивый, словом и посланием во узах много потрудивыйся, зане воистинну слово Божие не вяжется;

радуйся неизследимая пучино любве, по братии твоей отлучен быти от Христа приискренне восхотевый.

Радуйся, подвижниче предивный, подвигом добрым подвизавыйся, течение совершивый и кровию твоею Церковь украсивый;

радуйся, источаяй море чудес, яко главотяжи и убрусцы твои недуги исцеляху и демоны прогоняху.

Радуйся, любве Божия неразлучный причастниче, Горняя мудрствуяй, а не земная, зане и от плоти разрешитися и со Христом быти возжелал еси;

радуйтеся, Павле и Петре, веры христианския насадители, благочестия водами напоителие и ко пристанищу вечному вернии водителие.

Радуйтеся, святии первоверховнии апостоли Петре и Павле.

Кондак 13

О всехвальнии благовестницы Петре и Павле! Внемлите воздыханием сердец наших, молящиеся за ны, много бо может молитва праведных пред Богом: потщитеся и ныне воспоминати нам о небеснем звании и христианстей кончине жизни нашея, привлецыте нас ко сладости евангельския истины, свяжите узами любве Христовы, да мы вси, отвергшеся нечестия и мирских похотей, внидем в радость Господа нашего, поюще Ему со Ангелы и с лики святых: Аллилуиа.

Этот Кондак читается трижды. Затем читается Икос 1 и Кондак 1.

 
Молитвы святым первоверховным апостолам Петру и Павлу

Молитва первая

О преславнии апостоли Петре и Павле, души за Христа предавшии и кровию вашею пажить Его удобрившии! Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и Брака Агнца Своего, Емуже честь и слава, и благодарение и поклонение, во веки веков. Аминь.


СКОРО ПРАЗДНИК

30 октября - память Священномученику Александру, архиепископу Семипалатинскому, служившему в нашем соборе

+++++++++++

4 ноября - ПРАЗДНОВАНИЕ КАЗАНСКОЙ ИКОНЕ БОЖИЕЙ МАТЕРИ


Долгое время на Руси этот день отмечался как государственный праздник. Вся страна прославляла один из самых любимых на Руси Казанский образ Богородицы, которая явила свое чудесное заступничество за Русь во время Смутного времени … ...дальше 

Молитва и Акафист, читаемые пред иконой Божией Матери "Казанская" 


+ ВИДЕО акафист

+++++++++++++


21 ноября – Собор Архистратига Михаила и прочих Небесных Сил бесплотных


В этот день прославляются архангелы Гавриил, Рафаил, Уриил, Селафиил, Иегудиил, Варахиил, Иеремиил, а также все Небесное ангельское воинство

Дата празднования выбрана не случайно. Ноябрь – это 9-й месяц после марта, который считается первым месяцем после сотворения мира. В ознаменование 9-ти ангельских чинов именно в ноябре – 9-м месяце – установлен праздник Ангелам. 8-е число указывает на день Страшного Суда, в котором непосредственное участие примут Ангелы. Именно они будут свидетельствовать на Суде о нашей жизни и делах – праведных или неправедных. День Страшного Суда святые отцы называют восьмым днем. Время измеряется неделями (седмицами). 8-м днем будет последний день мира, день Страшного Суда, и тогда «приидет Сын Человеческий в Славе Своей и вси святии Ангелы с Ним» (Мф. 25:31)  ...дальше

Престольный праздник Воскресенского собора и храма в пос. Шульбинск

Расписание богослужений

ОСНОВНЫЕ ЦЕРКОВНЫЕ ПРАЗДНИКИ в НОЯБРЕ