ПРАВОСЛАВНЫЙ КАЛЕНДАРЬ


ПОИСК ПО САЙТУ


ПОДЕЛИТЬСЯ С ДРУЗЬЯМИ

О НАС, НАШЕМ САЙТЕ

Молитвы Блаженной Ксении Петербургской


О семейном благополучии, о замужестве, о детях, исцелении от болезней, за умерших без причастия, за Отечество

О святая всеблаженная мати Ксение! Под кровом Всвышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогущаго покоишися. Ныне Святая Церковь, яко благоуханный цвет, прославляет тя.

Предстояще на месте погребения твоего, пред образом твоим святым, яко живей ти, сущей с нами, молимся тебе: приими прошения наша и принеси их ко Престолу милосердаго Отца Небеснаго, яко дерзновение к Нему имущая. Испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных.

Помози, святая блаженная мати Ксение, младенцы светом святаго крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие низпосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, люди и страну нашу в мире и безмятежии сохрани, о лишенных в предсмертный час причащения Святых Христовых Тайн умоли.

Ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа, ныне и присно, и во веки веков. Аминь.


Молитва Блаженной Ксении Петербургской об избавлении от страстей, за Россию и православную веру

О преславная святая блаженная мати наша Ксение, теплая о нас пред Богом молитвеннице!

Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением.

Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.

 

Молитва Блаженной Ксении Петербургской о помощи и заступлении в обстояниях, о здравии, бедах, скорби, унынии, с указанием имени молящегося

О препростая образом жития своего, бездомная на земли, наследнице же обителей Отца Небеснаго, блаженная страннице Ксение!

Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние.

О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.

 

Молитва Блаженной Ксении Петербургской перед иконой, о здравии, с указанием имени молящегося.

О святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков. Аминь.

Статистика

счетчик посещенийраз смотрели эту страницу с 17 мая 2017 года

ПОСЛЕДНИЕ КОММЕНТАРИИ

Все как следует. Душа отдыхает на вашем сайте: нет многословной и пустой информации. Видно, что ваш храм любят прихожане. Это так здорово. Судя по всему, и настоятель у вас то, что надо, раз ведется такая работа. Удачи и Бог вам в помощь. С удовольствием жду ваших обновлений. Игорь. Калуга

________________________


Все по делу у вас. Спасибо и удачи. Воронеж

________________________


Очень интересный сайт!!! Храм помню с детства... В этом Храме меня крестили и моих детей тоже. И в 09г мужа окрестил о.Феодор. Очень благодарна ему ... Публикации интересны и познавательны.Я теперь частый гость... Магадан

___________________


Пост , воскресный день, путешествие в Вифлеем. Что еще нужно для души? Молитва. Спаси Господи батюшка Федор Вас и сотрудников сайта за вашу заботу о наших душах, сердцах и умах. Светлана

____________________


Здравствуйте! Сегодня увидела объявление в храме о том, что существует сайт у нашего Воскресенского собора. Так радостно и приятно посетить сайт, каждый день теперь буду заходить на сайт нашего храма и читать душеполезную литературу. Спаси Господи всех трудящихся в храме! Спасибо Вам большое за вашу заботу и труды! Юлия

______________________


Неплохой дизайн, качественные статьи. Ваш сайт понравился. Удачи! Липецк


 Гостевая книга